Plantun de Prouvènço

Pèr coumpara dos planto d'encò nostre

Doronicum austriacum & Panicum barbipulvinatum

Doronicum austriacum

Asteraceae Compositae

Nom en français : Doronic d'Autriche.

Descripcioun :
Aquéu rare dourounic s'atrovo au nostre soulamen dins li mountagno dis Aup marino. Es uno grando planto, di cambo lignouso e redo, emé de poulìdi flour coumpausado jauno en pinceloun. Se recounèis subretout à si fueio de cambo en vióuloun (fotò). Es aparado en Prouvènço.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 40 à 150 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Doronicum
Famiho : Asteraceae
Famiho classico : Compositae
Tribu : Senecioneae
Ordre : Asterales

Coulour de la flour : Jauno
Petalo : >6
Ø (o loungour) enflourejado : 5 à 6 cm
Flourido : Estiéu

Sòu : Ca
Autour basso e auto : 1800 à 2200 m
Aparado : Vo
Juliet à setèmbre

Liò : Champino - Prado à rousèu - Ribierau
Estànci : Subaupen
Couroulougi : Ouroufito-Sud-Éuroupenco
Ref. sc. : Doronicum austriacum Jacq., 1774

Mi(-de-ribeirés)

Panicum barbipulvinatum

Poaceae Graminaceae

Noms en français : Panic des rivages, Millet des rivages.

Descripcioun :
Aquéu mi fèr, que nous vèn d'Americo de l'uba, sèmblo proun au mi-prim, Panicum capillare, que se rescontro proun dins lis ermas e li champ à l'autouno. Se n'en destrìo emé sis espigueto de coustat que soun pourtado pèr de pecou courtet (< 3 mm) e que rèston proun proche de la ramo (< 10°). D'un biais generau lis espigueto soun mens aluenchado lis uno dis autro. Apoundèn qu'aquéstis espigueto soun mens grosso e pu fino. Pèr l'ouro es esta vist soulamen dins la valado dóu Rose, mai poudèn pensa qu'aquesto meno vai s'espandi. Coumpara emé lou mi-prim e lis àutri mi se n'avès pas l'usanço.

Usanço :
A bessai li mémis usanço que soun cousin lou mi-prim.